கத்தரிக்காய் சாதம்

Description:

என்னென்ன தேவை?

உதிராக வடித்த சாதம் – 2 கப்,
கத்தரிக்காய் – 1,
தக்காளி – 3,
குடைமிளகாய் – 1,
மஞ்சள் தூள் – 1/2 டீஸ்பூன்,
உப்பு – தேவைக்கு,
அலங்கரிக்க வறுத்த வேர்க்கடலை – 1/4 கப்,
கொத்தமல்லித்தழை – தேவைக்கு.

பொடிக்கு…

காய்ந்த மிளகாய் – 4,
தேங்காய்த்துருவல் – 1/2 கப்,
தனியா – 1 டீஸ்பூன்,
உளுத்தம்பருப்பு, கடலைப்பருப்பு – தலா 1 டீஸ்பூன்.

தாளிக்க…

கடுகு, உளுத்தம்பருப்பு – தலா 1 டீஸ்பூன்,
லவங்கம், பட்டை – 2 சிறிய துண்டுகள்,
நல்லெண்ணெய் – 2 டீஸ்பூன்,
கறிவேப்பிலை – 5 இலைகள்.

எப்படிச் செய்வது?

கத்தரிக்காய், தக்காளி, குடைமிளகாயை நீளவாக்கில் நறுக்கிக் கொள்ளவும். பொடிக்கு கொடுத்ததை கடாயில் எண்ணெய் இல்லாமல் தனித்தனியே வறுத்து ஆறவைத்து மிக்சியில் பொடித்துக் கொள்ளவும். கடாயில் நல்லெண்ணெய் விட்டு தாளிக்க கொடுத்த பொருட்களை தாளித்து, கத்தரிக்காய், தக்காளி, குடைமிளகாய் சேர்த்து வதக்கி, பொடித்த பொடி, மஞ்சள் தூள், உப்பு சேர்த்து வதக்கி, சாதம் சேர்த்து கிளறி அடுப்பை நிறுத்தவும். வேர்க்கடலை, கொத்தமல்லித்தழையை தூவி பரிமாறவும்.

Post a Comment